na puchh us ki dil-afsurdagi ki kaifiyyat — Anjum Manpuri

vatan ke log sataate the jab vatan mein the
vatan ki yaad sataati hai jab vatan mein nahin

— Anjum Manpuri

aaj 'anjum' muskuraa kar us ne phir dekhaa mujhe
shikva-e-jaur-o-jafaa phir bhuul jaanaa hi paDaa

— Anjum Manpuri

ye do-dili mein rahaa ghar na ghaaT kaa 'anjum'
buton ko kar na sakaa khush khudaa ko paa na sakaa

— Anjum Manpuri

kaam 'anjum' kaa jo tamaam kiyaa ye aap ne vaaqai khuub kiyaa
kam-bakht isi ke laaeq thaa ab aap abas pachhtaate hain

— Anjum Manpuri

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq