koi puchhegaa jis din vaaqai ye zindagi kyaa hai — Anwar Jalalpuri

meraa har sher haqiqat ki hai zinda tasvir
apne ashaar mein qissa nahin likhkhaa main ne

— Anwar Jalalpuri

sabhi ke apne masaail sabhi ki apni anaa
pukaarun kis ko jo de saath umr bhar meraa

— Anwar Jalalpuri

musalsal dhuup mein chalnaa charaaghon ki tarah jalnaa
ye hangaame to mujh ko vaqt se pahle thakaa deinge

— Anwar Jalalpuri

ab naam nahin kaam kaa qaael hai zamaana
ab naam kisi shakhs kaa raavan na milegaa

— Anwar Jalalpuri

na jaane kyuun adhuri hi mujhe tasvir jachti hai
main kaaghaz haath mein lekar faqat chehra banaataa huun

— Anwar Jalalpuri

main ne likhkhaa hai use maryam o siitaa ki tarah
jism ko us ke ajantaa nahin likhkhaa main ne

— Anwar Jalalpuri

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

zindagi ke bahut qarib na jaa
faasla kuchh to apne dhyaan mein rakh

— Akmal Imaam