khudaa ko khat likhungaa khud-kushi kaa — Aqeel Abbas

jaane is vaqt kahaan phone paDaa ho us kaa
jaane is vaqt vo kis shakhs ki aaghosh mein ho

sipah-gari kaa hunar bhi sukhan-vari bhi ho
main chaahtaa huun ki lashkar bhi ho pari bhi ho

ek bosa udhaar hai tum par
aur chaae bhi tez patti ki

safar nigal gae ham ko vagarna ham ne bhi
kahin pahunch ke kisi ko gale lagaanaa thaa

us ki aankhon pe mire paas koi she'r nahin
ek mazmun hai mazmun bhi tafsili hai

lams-e-husn-e-'ajib ki khvaahish
sar uThaati thi maar di main ne