kuchh der dum hilaaiye aaqaa ke saamne — Asrar Jamayee

jantaa kaa khuun bechiye paise kamaaiye
kyon shikva-haae gardish-e-ayyaam kijiye

urdu kaa iqbaal bhi dekhaa
aur us ko paamaal bhi dekhaa

leader jo nazar aae to bolo ye adab se
taqrir mein tum garmi-e-whiskey se jilaa do

kal jo qaatil the vahi aae masihaa ban kar
rahiye in logon se hushyaar chanaa jor garam

apni gharaz ke aage sadaa-e-zamir kyaa
saare takallufaat ko nilaam kijiye

zindagi ho miri netaaon ki surat yaa-rab
ho faqat apni gharaz se hi mohabbat yaa-rab