kal jo qaatil the vahi aae masihaa ban kar — Asrar Jamayee

urdu kaa iqbaal bhi dekhaa
aur us ko paamaal bhi dekhaa

leader jo nazar aae to bolo ye adab se
taqrir mein tum garmi-e-whiskey se jilaa do

apni gharaz ke aage sadaa-e-zamir kyaa
saare takallufaat ko nilaam kijiye

kuchh der dum hilaaiye aaqaa ke saamne
phailaa ke paanv ghar pe phir aaraam kijiye

zindagi ho miri netaaon ki surat yaa-rab
ho faqat apni gharaz se hi mohabbat yaa-rab

yaaraan-e-ham-mazaaq ki mahfil sajaaiye
jo muttafiq na ho use badnaam kijiye

jab ki pahlu se yaar uThtaa hai
dard be-ikhtiyaar uThtaa hai

yak qadam raah-e-dost hai 'daaud'
lekin afsos paa-e-bakht hai lang

urdu mein baat kijiye urdu mein boliye
haq hai zabaan kaa pyaar kaa ras is mein gholiye

jo ghair the vo isi baat par hamaare hue
ki ham se dost bahut be-khabar hamaare hue

log logon se dosti kar ke
kitnaa saste mein bech dete hain

nahin maalum ai yaaro 'sabaa' ke dil mein kyaa aayaa
abhi jo baiThe baiThe vo yakaayak aah kar uTThaa