urdu kaa iqbaal bhi dekhaa — Asrar Jamayee

leader jo nazar aae to bolo ye adab se
taqrir mein tum garmi-e-whiskey se jilaa do

kal jo qaatil the vahi aae masihaa ban kar
rahiye in logon se hushyaar chanaa jor garam

apni gharaz ke aage sadaa-e-zamir kyaa
saare takallufaat ko nilaam kijiye

kuchh der dum hilaaiye aaqaa ke saamne
phailaa ke paanv ghar pe phir aaraam kijiye

zindagi ho miri netaaon ki surat yaa-rab
ho faqat apni gharaz se hi mohabbat yaa-rab

yaaraan-e-ham-mazaaq ki mahfil sajaaiye
jo muttafiq na ho use badnaam kijiye

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi