leader jo nazar aae to bolo ye adab se — Asrar Jamayee

jantaa kaa khuun bechiye paise kamaaiye
kyon shikva-haae gardish-e-ayyaam kijiye

urdu kaa iqbaal bhi dekhaa
aur us ko paamaal bhi dekhaa

kal jo qaatil the vahi aae masihaa ban kar
rahiye in logon se hushyaar chanaa jor garam

apni gharaz ke aage sadaa-e-zamir kyaa
saare takallufaat ko nilaam kijiye

kuchh der dum hilaaiye aaqaa ke saamne
phailaa ke paanv ghar pe phir aaraam kijiye

zindagi ho miri netaaon ki surat yaa-rab
ho faqat apni gharaz se hi mohabbat yaa-rab

duur ham se hain vo to kyaa Dar hai
paas hai apne aarsi dil ki

aisi taraqqi par to ronaa bantaa hai
jis mein dahshat-gard corona bantaa hai

kabhi khauf thaa tire hijr kaa kabhi aarzu ke zavaal kaa
rahaa hijr-o-vasl ke darmiyaan tujhe kho sakaa na main paa sakaa

nahin milti unhein manzil jinhein khauf-e-havaadis hai
jo maujon se nahin Darte nadi ko paar karte hain

nayaa saal divaar par Taang de
puraane baras kaa calendar giraa

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa