kuchh khvaab kuchh khayaal mein mastur ho gae — Ataur Rahman Jameel

aane vaali aa nahin chukti jaane vaali jaa bhi chuki
vaise to har jaane vaali raat thi aane vaali raat

— Ataur Rahman Jameel

ye duniyaa hai yahaan har aabgina TuuT jaataa hai
kahin chhupte phiro aakhir zamaana DhunDh hi legaa

— Ataur Rahman Jameel

dil par barf ki sil rakh denaa naagan ban kar Das lenaa
apne liye donon hi baraabar kaali ho ki ujaali raat

— Ataur Rahman Jameel

un ko bhi 'jamil' apne muqaddar se gila hai
vo log jo sunte the ki chaalaak bahut hain

— Ataur Rahman Jameel

tumhaari bazm se jab bhi uThe to haal-zada
kabhi javaab ke maare kabhi savaal-zada

— Ataur Rahman Jameel

aansu tumhaari aankh mein aae to uTh gae
ham jab karam ki taab na laae to uTh gae

— Ataur Rahman Jameel

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

— Imdad Imam Asar

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

— Abu Mohammad Sahar

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

— Sandeep Gupte

ye san kar meri nindein uD gai hain
koi meraa bhi sapnaa dekhtaa hai

— Mahtab Alam