hasin khvaab ko sachchaa samajh rahaa hai koi — Sandeep Gupte

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

tu kahaan rahti hai puchhaa thaa kisi ne ek din
main ghamon ke saath rahti huun khushi kahne lagi

ham ehtiyaat ki aisi misaal dete hain
tumhaaraa zikr bhi aayaa to Taal dete hain

us se meraa koi rishta niklaa
mere jaisaa vo bhi tanhaa niklaa

koi bhi shakhs duniyaa mein tumhein chhoTaa nazar na aae
tum apne sochne kaa daaera itnaa baDaa kar lo

main tumhaare shahr ki tahzib se vaaqif na thaa
pattharon se ki nahin thi guftugu pahle kabhi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

maarka garm to ho lene do khun-rezi kaa
pahle shamshir ke niche hamin jaa baiTheinge