aansu tumhaari aankh mein aae to uTh gae — Ataur Rahman Jameel

aane vaali aa nahin chukti jaane vaali jaa bhi chuki
vaise to har jaane vaali raat thi aane vaali raat

ye duniyaa hai yahaan har aabgina TuuT jaataa hai
kahin chhupte phiro aakhir zamaana DhunDh hi legaa

dil par barf ki sil rakh denaa naagan ban kar Das lenaa
apne liye donon hi baraabar kaali ho ki ujaali raat

un ko bhi 'jamil' apne muqaddar se gila hai
vo log jo sunte the ki chaalaak bahut hain

kuchh khvaab kuchh khayaal mein mastur ho gae
tum kyaa qarib nikle ki sab duur ho gae

tumhaari bazm se jab bhi uThe to haal-zada
kabhi javaab ke maare kabhi savaal-zada

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

jahaan-e-dard mein insaaniyat ke naate se
koi bayaan kare meri daastaan hogi

tufaan-e-gham ki tund havaaon ke baavajud
ik sham-e-aarzu hai jo ab tak bujhi nahin