rang bharte hain saadgi mein sab — Deepak Agrawal

mire saath koi to ho jise main ye kah sakun
main kise kahun mujhe chhoD de mire haal par

yahaan darvaaze dastak de rahe hain
havaa ne khel ulTaa kar diyaa hai

yuun kinaare se mohabbat na kiyaa kar ham se
is se behtar hai mohabbat se kinaaraa kar le

maidaan mein akelaa nihatthaa khaDaa thaa main
dushman ko meri nekiyaan lashkar dikhaai diin

dekh le mujh ko andhere mein nazar aataa huun main
chikhne vaale tire andar kaa sannaaTaa huun main

is tarah hasrat-e-didaar nikal kar aai
ek aahaT pe vo sau baar nikal kar aai