yuun kinaare se mohabbat na kiyaa kar ham se — Deepak Agrawal

mire saath koi to ho jise main ye kah sakun
main kise kahun mujhe chhoD de mire haal par

yahaan darvaaze dastak de rahe hain
havaa ne khel ulTaa kar diyaa hai

rang bharte hain saadgi mein sab
main ne rangon ko saadgi di hai

maidaan mein akelaa nihatthaa khaDaa thaa main
dushman ko meri nekiyaan lashkar dikhaai diin

dekh le mujh ko andhere mein nazar aataa huun main
chikhne vaale tire andar kaa sannaaTaa huun main

is tarah hasrat-e-didaar nikal kar aai
ek aahaT pe vo sau baar nikal kar aai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

khat-e-shikasta mein kyaa jaane kab kashid aa jaae
ki saans rok ke kariyo miyaan kitaabat-e-‘ishq

hamesha aag ke dariyaa mein ishq kyuun utre
kabhi to husn ko gharq-e-azaab honaa thaa

gham-e-hasti bhalaa kab mo'tabar ho
mohabbat mein na jab tak aankh tar ho

ji chaahegaa jis ko use chaahaa na kareinge
ham ishq o havas ko kabhi yakjaa na kareinge