maidaan mein akelaa nihatthaa khaDaa thaa main — Deepak Agrawal

mire saath koi to ho jise main ye kah sakun
main kise kahun mujhe chhoD de mire haal par

yahaan darvaaze dastak de rahe hain
havaa ne khel ulTaa kar diyaa hai

yuun kinaare se mohabbat na kiyaa kar ham se
is se behtar hai mohabbat se kinaaraa kar le

rang bharte hain saadgi mein sab
main ne rangon ko saadgi di hai

dekh le mujh ko andhere mein nazar aataa huun main
chikhne vaale tire andar kaa sannaaTaa huun main

is tarah hasrat-e-didaar nikal kar aai
ek aahaT pe vo sau baar nikal kar aai

mujh se chhuDvaae mire saare usuul us ne 'zafar'
kitnaa chaalaak thaa maaraa mujhe tanhaa kar ke

anjaane logon ko har su chaltaa phirtaa dekh rahaa huun
kaisi bhiiD hai phir bhi khud ko tanhaa tanhaa dekh rahaa huun

tanhaa na vo haathon ki hinaa le gai dil ko
mukhDe ke chhupaane ki adaa le gai dil ko

chaand ko tum aavaaz to de lo
ek musaafir tanhaa to hai

yaa-rab kabhi vo din ho ki khalvat mein vo sanam
khulvaae apne band-e-qabaa mere haath se

us se meraa koi rishta niklaa
mere jaisaa vo bhi tanhaa niklaa