is tarah hasrat-e-didaar nikal kar aai — Deepak Agrawal

mire saath koi to ho jise main ye kah sakun
main kise kahun mujhe chhoD de mire haal par

yahaan darvaaze dastak de rahe hain
havaa ne khel ulTaa kar diyaa hai

yuun kinaare se mohabbat na kiyaa kar ham se
is se behtar hai mohabbat se kinaaraa kar le

rang bharte hain saadgi mein sab
main ne rangon ko saadgi di hai

maidaan mein akelaa nihatthaa khaDaa thaa main
dushman ko meri nekiyaan lashkar dikhaai diin

dekh le mujh ko andhere mein nazar aataa huun main
chikhne vaale tire andar kaa sannaaTaa huun main

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

'alvi' khvaahish bhi thi baanjh
jazba bhi naa-mard milaa

kyaa kyaa na pyaas jaage mire dil ke dasht mein
hasrat bhi ek aag hai laage jo raat bhar

kyaa vo khvaahish ki jise dil bhi samajhtaa ho haqir
aarzu vo hai jo siine mein rahe naaz ke saath

'hasrat' bahut hai martaba-e-aashiqi buland
tujh ko to muft logon ne mashhur kar diyaa

hijr mein shiddat dikhaate hain sabhi 'aashiq magar
lutf tab hai vasl ho par aarzu baaqi rahe