sabhi se jab mohabbat chaahte ho — Saleem Amrohvi

tumhaaraa zikr jab se aa gayaa hai
maza aane lagaa hai guftugu mein

yuun to maujud apne ghar mein hai
aadmi mustaqil safar mein hai

log bimaar hain hasad ke sabab
aur hasad ki davaa nahin hoti

main jitnaa sabr kartaa jaa rahaa huun
vo utnaa aazmaataa jaa rahaa hai

adab mein bhi luTere aa gae hain
kahaan rakkhun khayaal apnaa bachaa kar

fazaa mein zahr gholaa jaa rahaa hai
baDi mushkil se bolaa jaa rahaa hai

husn jalva dikhaa gayaa apnaa
ishq baiThaa rahaa udaas kahin

ishq phir ishq hai aashufta-sari maange hai
hosh ke daur mein bhi jaama-dari maange hai

majnun milaa to puchhtaa thaa dasht-e-‘ishq mein
ab suntaa vaan hai mere fasaane bhi koi kyaa

yaa to khud ko sipurd-e-'ishq na kar
yaa jo hotaa hai phir malaal na puchh

makaan-e-dil se rukhsat ho gayaa 'ishq
udaasi lauT kar tu ghar chali aa

ishq jis se ho tiri raah taki jaati hai
hijr jis se ho tujhe yaad kiyaa jaataa hai