soch un ki kaisi hai kaise hain ye divaane — Ehtisham Akhtar

shahr ke andhere ko ik charaagh kaafi hai
sau charaagh jalte hain ik charaagh jalne se

mire aziiz hi mujh ko samajh na paae kabhi
main apnaa haal kisi ajnabi se kyaa kahtaa

tum jalaanaa mujhe chaaho to jalaa do lekin
nakhl-e-taaza jo jalegaa to dhuaan bhi degaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhaare naam pe main jal-bujhaa to ilm huaa
ki suud bantaa hai kaise ziyaan banaate hue

miri shikast bhi thi meri zaat se mansub
ki meri fikr kaa har faisla shuuri thaa

yahi soch kar iktifaa chaar par kar gae shaikh-ji
mileingi vahaan un ko huur aur pariyaan vaghaira vaghaira

dil to saada hai teri har baat ko sachchaa maantaa hai
aql ne baatein karte teraa aankh churaanaa dekhaa hai