dil to saada hai teri har baat ko sachchaa maantaa hai — Ajmal Siddiqui

har ek subh vazu karti hain miri aankhein
ki shaayad aaj to aa jaae vo habib nazar

bol paDtaa to miri baat miri hi rahti
khaamushi ne hain diye sab ko fasaane kyaa kyaa

kyaa kyaa na paDhaa is maktab mein, kitne hi hunar sikhe hain yahaan
izhaar kabhi aankhon se kiyaa kabhi had se sivaa bebaak huaa

jis din se gayaa vo jaan-e-ghazal har misre ki surat bigDi
har lafz pareshaan dikhtaa hai, is darja varaq namnaak huaa

kabhi khauf thaa tire hijr kaa kabhi aarzu ke zavaal kaa
rahaa hijr-o-vasl ke darmiyaan tujhe kho sakaa na main paa sakaa

vo meraa ho ki na ho kyaa gharaz mujhe is se
havas charaagh ki tum ko mujhe hai bhaataa nuur

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

avval avval 'ilm faqat ik nuqta thaa
aakhir aakhir jehl banaa taavilon se

muhsinon ki aankh se kaajal churaa lete hain log
sochte kyaa ho nazar rakkhaa karo saamaan par

vo aae bazm mein itnaa to 'fikr' ne dekhaa
phir is ke baa'd charaaghon mein raushni na rahi

be-fikr raho yaaro main aaj bhi huun barbaad
din phir gae hain mere afvaah uDi hogi