miri shikast bhi thi meri zaat se mansub — Akbar Hyderabadi

raste hi mein ho jaati hain baatein bas do-chaar
ab to un ke ghar bhi jaanaa kam kam hotaa hai

dil dabaa jaataa hai kitnaa aaj gham ke baar se
kaisi tanhaai Tapakti hai dar o divaar se

rut badli to zamin ke chehre kaa ghaaza bhi badlaa
rang magar khud aasmaan ne badle kaise kaise

pahunch ke jo sar-e-manzil bichhaD gayaa mujh se
vo ham-safar thaa magar ham-nazar na thaa meraa

yahi soch kar iktifaa chaar par kar gae shaikh-ji
mileingi vahaan un ko huur aur pariyaan vaghaira vaghaira

charaagh-e-raahguzar laakh taabnaak sahi
jalaa ke apnaa diyaa raushni makaan mein laa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

ik shakhs teri bazm se khaamosh uTh gayaa
shaayad ye baat tere liye sochne ki thi

apne ehsaas ki shiddat ko bujhaane ke liye
main nai tarz ke khush-fikr risaale maangon

pahle nisaab-e-aql huaa ham se intisaab
phir yuun huaa ki qatl bhi ham kar diye gae

ishq mein fikr to divaana banaa deti hai
pyaar ko aql nahin dil ki panaahon mein rakho