aap ki tasvir thi akhbaar mein — Farooq Nazki

bhaTak na jaataa agar zaat ke bayaabaan mein
to meraa naqsh-e-qadam meraa raahbar hotaa

kaanch ke alfaaz kaaghaz par na rakh
sang-e-maani ban ke Takraaungaa main

hisaar-e-khauf-o-hiraas mein hai butaan-e-vahm-o-gumaan ki basti
mujhe khabar hi nahin ki ab main junub mein yaa shumaal mein huun

jab koi naujavaan martaa hai
aarzu kaa jahaan martaa hai

tu khudaa hai to bajaa mujh ko Daraataa kyuun hai
jaa mubaarak ho tujhe tere karam kaa saaya

mujh se kyaa puchhte ho naam pata
main to bas aap kaa hi saaya huun