Aarzoo

ab to ye aarzū hai ki vo zaḳhm khā.iye
tā-zindagī ye dil na koī aarzū kare

rahī na tāqat-e-guftār aur agar ho bhī
to kis umiid pe kahiye ki aarzū kyā hai

ye kam-baḳht ik jahān-e-ārzū hai
na ho koī hamārā dil ho ham huuñ

nazar-e-taġhāful-e-yār kā gila kis zabāñ siiñ karūñ bayāñ
ki sharāb-e-sad-qadah aarzū ḳhum-e-dil meñ thī so bharī rahī

marte haiñ aarzū meñ marne kī
maut aatī hai par nahīñ aatī

ishrat-e-qatl-gah-e-ahl-e-tamannā mat pūchh
īd-e-nazzāra hai shamshīr kā uryāñ honā

yahāñ kisī ko bhī kuchh hasb-e-ārzū na milā
kisī ko ham na mile aur ham ko tū na milā

ik tarz-e-taġhāful hai so vo un ko mubārak
ik arz-e-tamannā hai so ham karte raheñge

ab dil kī tamannā hai to ai kaash yahī ho
aañsū kī jagah aañkh se hasrat nikal aa.e

tamannā dard-e-dil kī ho to kar ḳhidmat faqīroñ kī
nahīñ miltā ye gauhar bādshāhoñ ke ḳhazīnoñ meñ

ab us kī diid mohabbat nahīñ zarūrat hai
ki us se mil ke bichhaḌne kī aarzū hai bahut

maiñ ghar se terī tamannā pahan ke jab niklūñ
barahna shahr meñ koī nazar na aa.e mujhe

phūñkā hai kis ne gosh-e-mohabbat meñ ai ḳhudā
afsūn-e-intizār tamannā kaheñ jise

fareb-e-ārzū kī sahl-añgārī nahīñ jaatī
ham apne dil kī dhaḌkan ko tirī āvāz-e-pā samjhe

kamāl-e-ishq bhī ḳhālī nahīñ tamannā se
jo hai ik aah to us ko bhī hai asar kī talab

hai kahāñ tamannā kā dūsrā qadam yā-rab
ham ne dasht-e-imkāñ ko ek naqsh-e-pā paayā

āshiqī sabr-talab aur tamannā betāb
dil kā kyā rang karūñ ḳhūn-e-jigar hote tak

hameñ bhī arz-e-tamannā kā Dhab nahīñ aatā
mizāj-e-yār bhī saada hai kyā kiyā jaa.e

ye aarzū bhī baḌī chiiz hai magar hamdam
visāl-e-yār faqat aarzū kī baat nahīñ

nahīñ nigāh meñ manzil to justujū hī sahī
nahīñ visāl mayassar to aarzū hī sahī