Shayari Of Farooq Nazki

"na.ī baasī koī ḳhabar de de sachchī jhūTī ki mo'tabar de de sañg barsā de mere āñgan meñ rahravoñ ko gul-o-samar de de hai falak tak fasīl nār-e-jahīm ai ḳhudā ab to abr-e-tar de de kāmyābī mirā muqaddar kar zor ke saath mujh ko zar de de tābnākī atā ho furqat ko kāsa-e-chashm meñ guhar de de ab faqīrī meñ koī baat nahīñ hashmat-o-jāh o karr-o-farr de de"

"gahrī niilī shaam kā manzar likhnā hai terī hī zulfoñ kā daftar likhnā hai ka.ī dinoñ se baat nahīñ kī apnoñ se aaj zarūrī ḳhat apne ghar likhnā hai shiddat par hai hare-bhare pattoñ kī pyaas sahrā sahrā ḳhuun samundar likhnā hai patthar par ham naam kisī kā likkheñge ā.īne par aazar aazar likhnā hai chehra raushan khule hue sahrā kī dhuup gahrī āñkheñ gahrā sāgar likhnā hai is se aage kuchh likhne se qāsir huuñ is ke aage tujh ko baḌh kar likhnā hai"

"yūñhī kar lete haiñ auqāt basar apnā kyā apne hī shahr meñ haiñ shahr-badar apnā kyā raat lambī hai chalo ġhībat-e-yārāñ kar leñ shab kisī taur to ho jaa.e basar apnā kyā dūriyāñ fāsle dushvār guzargāheñ haiñ hai yahī shart-e-safar raḳht-e-safar apnā kyā tujh se ab izn-e-takallum bhī agar mil jaa.e lab hileñ yā na hileñ aañkh ho tar apnā kyā jaam phir taaza karo raat bahut lambī hai kuchh to karnā hai miyāñ tā-ba-sahar apnā kyā"

bhaTak na jaatā agar zaat ke bayābāñ meñ
to merā naqsh-e-qadam merā rāhbar hotā

"mere chehre kī siyāhī kā patā de koī aa.ine mere muqābil se haTā de koī dasht-dar-dasht yahāñ phail rahe haiñ saa.e shahr-e-gul-rez se phir mujh ko sadā de koī ālam-e-yās meñ ḳhvāboñ meñ utarnā terā jaise bīmār ko jiine kī du'ā de koī marg-e-amboh meñ ab jashn kā pahlū bhī nahīñ āsmāñ āḳhirī manzar to dikhā de koī"

junūñ-āsār mausam kā pata koī nahīñ degā
tujhe ai dasht-e-tanhā.ī sadā koī nahīñ degā

"ġham kī chādar oḌh kar so.e the kyā raat bhar mere liye ro.e the kyā chādar-e-ismat ke dhabbe aap ne raat pī kar sub.h-dam dho.e the kyā maiñ ne pūchhā un se ik saada savāl ḳhaar merī raah meñ bo.e the kyā DhūñDte phirte ho ḳhud ko 'nāzukī' inhī galiyoñ meñ kabhī kho.e the kyā"

sañg-parastoñ kī bastī meñ shīsha-garoñ kī ḳhair nahīñ hai
jin kī āñkheñ nuur se ḳhālī un ke dil haiñ aahan aahan

"terī marzī na de sabāt mujhe be-yaqīnī se de najāt mujhe in kī nazreñ uThīñ mirī jānib yaad hai pahlī vārdāt mujhe har balā se rahegā tū mahfūz is safar meñ jo rakh le saath mujhe roz miltā huuñ mai-kade meñ use ḳhuub pahchāntī hai raat mujhe meñ tujhe jāntā huuñ harjā.ī kyuuñ batātā hai apnī zaat mujhe mujh ko detī hai Daal Daal huā chhāñv dete haiñ paat paat mujhe"

"ai markaz-e-ḳhayāl bikharne lagā huuñ maiñ apne tasavvurāt se Darne lagā huuñ maiñ is dopahar kī dhuup meñ saaya bhī kho gayā tanhā.iyoñ ke dil meñ utarne lagā huuñ maiñ bardāsht kar na pā.ūñgā vahshat kī raat ko use shām-e-intizār bipharne lagā huuñ maiñ is tīrgī meñ kirmak-e-shab-tāb bhī nahīñ tārīkiyoñ ko ruuh meñ bharne lagā huuñ maiñ ab dil meñ terī yaad kī ik sham.a tak nahīñ tārīk rāstoñ se guzarne lagā huuñ maiñ"

hisār-e-ḳhauf-o-hirās meñ hai butān-e-vahm-o-gumāñ kī bastī
mujhe ḳhabar hī nahīñ ki ab maiñ junūb meñ yā shumāl meñ huuñ

"hisār-e-jism se aage nikal gayā hotā junūñ kī aag meñ dīvāna jal gayā hotā hayāt ek sahī kā.enāt ek sahī hamāre ahd kā insāñ badal gayā hotā havā ke zor ne patthar uḌā diye hote tamām shahr ko tūfāñ nigal gayā hotā maiñ apnī niiñd kisī ghar meñ kaise bhuul aatā vo mere ḳhvāb ke sāñche meñ Dhal gayā hotā na pūchh kaisā thā manzar tirī judā.ī kā farishta hotā to vo bhī dahal gayā hotā"