aap ne auron se kahaa sab kuchh — Gulzar

aaina dekh kar tasalli hui
ham ko is ghar mein jaantaa hai koi

shaam se aankh mein nami si hai
aaj phir aap ki kami si hai

aadatan tum ne kar diye vaade
aadatan ham ne e'tibaar kiyaa

aap ke baa'd har ghaDi ham ne
aap ke saath hi guzaari hai

kitni lambi khaamoshi se guzraa huun
un se kitnaa kuchh kahne ki koshish ki

kabhi to chaunk ke dekhe koi hamaari taraf
kisi ki aankh mein ham ko bhi intizaar dikhe