kitni lambi khaamoshi se guzraa huun — Gulzar

aap ne auron se kahaa sab kuchh
ham se bhi kuchh kabhi kahin kahte

aaina dekh kar tasalli hui
ham ko is ghar mein jaantaa hai koi

shaam se aankh mein nami si hai
aaj phir aap ki kami si hai

aadatan tum ne kar diye vaade
aadatan ham ne e'tibaar kiyaa

aap ke baa'd har ghaDi ham ne
aap ke saath hi guzaari hai

kabhi to chaunk ke dekhe koi hamaari taraf
kisi ki aankh mein ham ko bhi intizaar dikhe

main baDaa ho gayaa huun magar bachpanaa
mere dil se kabhi bhi gayaa hi nahin

rakhte hain dahaanon pe sadaa mohr-e-khamoshi
ve log jinhein aati hai guftaar-e-mohabbat

chaman se kaun chalaa hai khamoshiyaan le kar
kali kali taDap uTThi hai siskiyaan le kar

auron ki aag kyaa tujhe kundan banaaegi
apni bhi aag mein kabhi chup-chaap jal ke dekh

chaman mein shor hai bhanvron ki chaahat kaa bahut lekin
mohabbat gul ki bulbul se hai khaamoshi ke parde mein

ba-paas-e-ehtiraam-e-ishq ham khaamosh hain varna
pareshaan kar bhi sakte hain pareshaan ho bhi sakte hain