shaam se aankh mein nami si hai — Gulzar

aap ne auron se kahaa sab kuchh
ham se bhi kuchh kabhi kahin kahte

aaina dekh kar tasalli hui
ham ko is ghar mein jaantaa hai koi

aadatan tum ne kar diye vaade
aadatan ham ne e'tibaar kiyaa

aap ke baa'd har ghaDi ham ne
aap ke saath hi guzaari hai

kitni lambi khaamoshi se guzraa huun
un se kitnaa kuchh kahne ki koshish ki

kabhi to chaunk ke dekhe koi hamaari taraf
kisi ki aankh mein ham ko bhi intizaar dikhe

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maarka garm to ho lene do khun-rezi kaa
pahle shamshir ke niche hamin jaa baiTheinge

gul kiyaa jis ne vo thaa aur magar
shama ne shikva havaaon se kiyaa

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

jaam-ba-dast-o-mai-ba-jaam yuun hi guzaar subh-o-shaam
ziist ki talkhiyaan mudaam pi ke pilaa ke bhuul jaa

chhoD kar ham ko milaa shama-rukhon se jaa kar
isi qaabil hai tu ai dil ki jalaaein tujh ko