haidar ye bazm-e-vaqt mein sham-e-hunar ki qadr — Haider Dehlvi

raushni ho rahi hai kuchh mahsus
kyaa shab aakhir tamaam ko pahunchi

shor din ko nahin sone detaa
shab ko sannaaTaa jagaa detaa hai

baat vo aadhi raat ki raat vo puure chaand ki
chaand bhi ain chait kaa us pe tiraa jamaal bhi

shikva-e-zulmat-e-shab se to kahin behtar thaa
apne hisse ki koi shama jalaate jaate

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

bahut hasin raat hai magar tum to so rahe ho
nikal ke kamre se ik nazar chaandni to dekho