hamein pasand nahin jang mein bhi makkaari — Hastimal Hasti

khel zindagi ke tum khelte raho yaaro
haar jiit koi bhi aakhiri nahin hoti

pyaar kaa pahlaa khat likhne mein vaqt to lagtaa hai
nae parindon ko uDne mein vaqt to lagtaa hai

kuchh aur sabaq ham ko zamaane ne sikhaae
kuchh aur sabaq ham ne kitaabon mein paDhe the

kahin khulus kahin dosti kahin pe vafaa
baDe qarine se ghar ko sajaa ke rakhte hain

vo jo qisse mein thaa shaamil vahi kahtaa hai mujhe
mujh ko maalum nahin yaar ye qissa kyaa hai

khud charaagh ban ke jal vaqt ke andhere mein
bhiik ke ujaalon se raushni nahin hoti