kahin khulus kahin dosti kahin pe vafaa — Hastimal Hasti

khel zindagi ke tum khelte raho yaaro
haar jiit koi bhi aakhiri nahin hoti

pyaar kaa pahlaa khat likhne mein vaqt to lagtaa hai
nae parindon ko uDne mein vaqt to lagtaa hai

kuchh aur sabaq ham ko zamaane ne sikhaae
kuchh aur sabaq ham ne kitaabon mein paDhe the

hamein pasand nahin jang mein bhi makkaari
jise nishaane pe rakkhein bataa ke rakhte hain

vo jo qisse mein thaa shaamil vahi kahtaa hai mujhe
mujh ko maalum nahin yaar ye qissa kyaa hai

khud charaagh ban ke jal vaqt ke andhere mein
bhiik ke ujaalon se raushni nahin hoti

barseingi aaj rahmatein aamad hai yaar ki
naayaab hain ye ghaDiyaan tire intizaar ki

jab ki pahlu se yaar uThtaa hai
dard be-ikhtiyaar uThtaa hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

har lamha maangte hain duaa did-e-yaar ki
yaad-e-butaan bhi dil mein hai yaad-e-khudaa ke saath

dushmanon ko dost bhaai ko sitamgar kah diyaa
log kyuun barham hain kyaa shishe ko patthar kah diyaa

bhaTkaa phire hai majnun lailaa ke qaafile mein
ye puchhtaa ki yaaro mahmil kidhar gayaa hai