silsila khvaabon kaa sab yunhi dharaa rah jaaegaa — Hayat Lakhnavi

ab dilon mein koi gunjaaish nahin milti 'hayaat'
bas kitaabon mein likkhaa harf-e-vafaa rah jaaegaa

— Hayat Lakhnavi

khudaa ke vaaste mohr-e-sukut toD bhi de
tamaam shahr tiri guftugu kaa pyaasaa hai

— Hayat Lakhnavi

ye jazba-e-talab to miraa mar na jaaegaa
tum bhi agar miloge to ji bhar na jaaegaa

— Hayat Lakhnavi

muddaaa ham apnaa kaaghaz par raqam kar jaaeinge
vaqt ke haathon mein apnaa faislaa rah jaaegaa

— Hayat Lakhnavi

har sadaa se bach ke vo ehsaas-e-tanhaai mein hai
apne hi divaar-o-dar mein gunjtaa rah jaaegaa

— Hayat Lakhnavi

chehre ko tere dekh ke khaamosh ho gayaa
aisaa nahin savaal tiraa laa-javaab thaa

— Hayat Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

khvaab Thahre the to aankhein bhigne se bach gaiin
varna chehre par to gham ki baarishon kaa aks hai

— Malika Naseem

ik yaqin-parvar gumaan aur ik hayaat-aamez khvaab
jaise koi aaegaa aur uljhanein le jaaegaa

— Asim Nadeem Asi

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

— Sandeep Gupte

par katar paai jab na khvaabon ke
band hi kar diin khiDkiyaan main ne

— Ameeta Parsuram Meeta