muddaaa ham apnaa kaaghaz par raqam kar jaaeinge — Hayat Lakhnavi

ab dilon mein koi gunjaaish nahin milti 'hayaat'
bas kitaabon mein likkhaa harf-e-vafaa rah jaaegaa

silsila khvaabon kaa sab yunhi dharaa rah jaaegaa
ek din bistar pe koi jaagtaa rah jaaegaa

khudaa ke vaaste mohr-e-sukut toD bhi de
tamaam shahr tiri guftugu kaa pyaasaa hai

ye jazba-e-talab to miraa mar na jaaegaa
tum bhi agar miloge to ji bhar na jaaegaa

har sadaa se bach ke vo ehsaas-e-tanhaai mein hai
apne hi divaar-o-dar mein gunjtaa rah jaaegaa

chehre ko tere dekh ke khaamosh ho gayaa
aisaa nahin savaal tiraa laa-javaab thaa

khudaayaa aajizi se main ne maangaa kyaa milaa kyaa
asar meri duaaon kaa ye ulTaa kyuun huaa hai

kis shaan se gae hain shahidaan-e-ku-e-yaar
qaatil bhi haath uThaa ke sharik-e-duaa hue

kami kuchh apne hi zauq-e-talab mein hai varna
du'aa kaa harf kabhi be-asar nahin jaataa

falak pe bhiiD lagi thi shikasta aahon ki
duaa se pahle mujhe raasta banaanaa paDaa

zamaane-bhar ki duaaein mire liye thiin magar
main chaahtaa hi nahin thaa ki sabr aa jaae

duaa hi vajh-e-karaamaat thoDi hoti hai
ghazab ki dhuup mein barsaat thoDi hoti hai