ai shaam-e-gham ki gahri khamoshi tujhe salaam — Heera Lal Falak Dehlvi

haal bimaar kaa puchho to shifaa milti hai
yaani ik kalma-e-pursish bhi davaa hotaa hai

— Heera Lal Falak Dehlvi

tan ko miTTi nafas ko havaa le gai
maut ko kyaa milaa maut kyaa le gai

— Heera Lal Falak Dehlvi

raushni tez karo chaand sitaaro apni
mujh ko manzil pe pahunchnaa hai sahar hone tak

— Heera Lal Falak Dehlvi

mil ke sab amn-o-chain se rahiye
laantein bhejiye fasaadon par

— Heera Lal Falak Dehlvi

miraa khat paDh liyaa us ne magar ye to bataa qaasid
nazar aai jabin par buund bhi koi pasine ki

— Heera Lal Falak Dehlvi

apnaa ghar phir apnaa ghar hai apne ghar ki baat kyaa
ghair ke gulshan se sau darja bhalaa apnaa qafas

— Heera Lal Falak Dehlvi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif