sunaa hai Duub gai be-hisi ke dariyaa mein — Ibrat Machlishahri

jab aa jaati hai duniyaa ghuum phir kar apne markaz par
to vaapas lauT kar guzre zamaane kyuun nahin aate

— Ibrat Machlishahri

kyuun pashemaan ho agar vaada vafaa ho na sakaa
kahin vaade bhi nibhaane ke liye hote hain

— Ibrat Machlishahri

zindagi kam paDhe pardesi kaa khat hai 'ibrat'
ye kisi tarah paDhaa jaae na samjhaa jaae

— Ibrat Machlishahri

apni ghurbat ki kahaani ham sunaaein kis tarah
raat phir bachcha hamaaraa rote rote so gayaa

— Ibrat Machlishahri

zamin ke jism ko TukDon mein baanTne vaalo
kabhi ye ghaur karo kaaenaat kis ki hai

— Ibrat Machlishahri

vo yuun subut-e-uruj-o-zavaal detaa thaa
uThaa ke haath mein patthar uchhaal detaa thaa

— Ibrat Machlishahri

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar