aasmaanon mein lachakti hui ye qaus-e-quzah — Iqbal Mahir

jab ki pahlu se yaar uThtaa hai
dard be-ikhtiyaar uThtaa hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

tumhaaraa bag bhi tayyaar kar ke rakkhaa hai
akeli hijr ke aazaar kyon uThaaun main

gulshan-e-khuld mein har-chand ki dil bahlaayaa
kucha-e-yaar magar dil se bhulaayaa na gayaa

dil mein zauq-e-vasl o yaad-e-yaar tak baaqi nahin
aag is ghar mein lagi aisi ki jo thaa jal gayaa