yaar bhi raah ki divaar samajhte hain mujhe — Shahid Zaki

main badalte hue haalaat mein Dhal jaataa huun
dekhne vaale adaakaar samajhte hain mujhe

bin maange mil rahaa ho to khvaahish fuzul hai
suraj se raushni ki guzaarish fuzul hai

phalon ke saath kahin ghonsle na gir jaaein
khayaal rakhtaa huun patthar uchhaaltaa huaa main

laashon mein ek laash miri bhi na ho kahin
taktaa huun ek ek ko chaadar uThaa ke main

abhi to pahle paron kaa bhi qarz hai mujh par
jhijak rahaa huun nae par nikaaltaa huaa main

main sar-ba-sajda sakun mein nahin safar mein huun
jabin pe daagh nahin aabla banaa huaa hai

jab ki pahlu se yaar uThtaa hai
dard be-ikhtiyaar uThtaa hai

deri se milne kaa jo gham tujh ko pareshaan kar rahaa
ai dost ham bhi hain usi taakhir ke maare hue

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

is naghmagi kaa thoDaa gunah-gaar main bhi huun
mujh se bhi is jahaan mein halchal rahi hai dost

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

ai pari husn tiraa raunaq-e-hindustaan hai
husn-e-yusuf hai faqat misr ke baazaar kaa ruup