'jalaal' ahd-e-javaani hai doge dil sau baar — Jalal Lakhnavi

main ne puchhaa ki hai kyaa shaghl to hans kar bole
aaj kal ham tere marne ki duaa karte hain

— Jalal Lakhnavi

vaada kyuun baar baar karte ho
khud ko be-e'tibaar karte ho

— Jalal Lakhnavi

pahunche na vahaan tak ye duaa maang rahaa huun
qaasid ko udhar bhej ke dhyaan aae hai kyaa kyaa

— Jalal Lakhnavi

na khauf-e-aah buton ko na Dar hai naalon kaa
baDaa kaleja hai in dil dukhaane vaalon kaa

— Jalal Lakhnavi

main jo aayaa ghair se hans kar kahaa us ne 'jalaal'
khatm hai jis par sharaafat vo kamina aa gayaa

— Jalal Lakhnavi

ik raat dil-jalon ko ye aish-e-visaal de
phir chaahe aasmaan jahannam mein Daal de

— Jalal Lakhnavi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

us ke munh pe mukar gayaa thaa dil
aaj had se guzar gayaa thaa dil

— Divyansh Rawat