vaada kyuun baar baar karte ho — Jalal Lakhnavi

main ne puchhaa ki hai kyaa shaghl to hans kar bole
aaj kal ham tere marne ki duaa karte hain

pahunche na vahaan tak ye duaa maang rahaa huun
qaasid ko udhar bhej ke dhyaan aae hai kyaa kyaa

na khauf-e-aah buton ko na Dar hai naalon kaa
baDaa kaleja hai in dil dukhaane vaalon kaa

main jo aayaa ghair se hans kar kahaa us ne 'jalaal'
khatm hai jis par sharaafat vo kamina aa gayaa

ik raat dil-jalon ko ye aish-e-visaal de
phir chaahe aasmaan jahannam mein Daal de

gai thi kah ke main laati huun zulf-e-yaar ki bu
phiri to baad-e-sabaa kaa dimaagh bhi na milaa