ye kaisaa vaqt mujh par aa gayaa hai — Jamill Murassapuri

ghar apnaa kisi aur ki nazron se na dekho
har tarah se ujDaa hai magar phir bhi sajaa hai

aur jo hogaa vo bhi dekheinge
vaise kyaa kuchh nahin huaa hai miyaan

agar ye zid hai ki mujh se duaa salaam na ho
to aisi raah se guzro jo raah-e-aam na ho

sadiyon se zamaane kaa ye andaaz rahaa hai
saaya bhi judaa ho gayaa jab vaqt paDaa hai

ye daur bhi kyaa daur hai is daur mein yaaro
sach bolne vaalon kaa hi anjaam buraa hai