lauT bhi aayaa to sadiyon ki thakan laaegaa — Jamuna Parsad Rahi

ajiib aag lagaa kar koi ravaana huaa
mire makaan ko jalte hue zamaana huaa

— Jamuna Parsad Rahi

kachchi divaarein sadaa-noshi mein kitni taaq thiin
pattharon mein chikh kar dekhaa to andaazaa huaa

— Jamuna Parsad Rahi

kashtiyaan Duub rahi hain koi saahil laao
apni aankhein miri aankhon ke muqaabil laao

— Jamuna Parsad Rahi

gaanv se guzregaa aur miTTi ke ghar le jaaegaa
ek din dariyaa sabhi divaar o dar le jaaegaa

— Jamuna Parsad Rahi

sadiyon kaa intishaar fasilon mein qaid thaa
dastak ye kis ne di ki imaarat bikhar gai

— Jamuna Parsad Rahi

main lafz-e-khaam huun koi ki tarjumaan-e-ghazal
ye faisla kisi taaza kitaab par Thahraa

— Jamuna Parsad Rahi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi