azal se taa-ba-abad ek hi kahaani hai — Kalidas Gupta Raza

ham na maaneinge khamoshi hai tamannaa kaa mizaaj
haan bhari bazm mein vo bol na paai hogi

saamnaa aaj anaa se hogaa
baat rakhni hai to sar de denaa

ab koi DhunD-DhaanD ke laao nayaa vajud
insaan to bulandi-e-insaan se ghaT gayaa

duniyaa to sidhi hai lekin duniyaa vaale
jhuTi sachchi kah ke use bahkaate honge

hayaat laakh ho faani magar ye sun rakhiye
hayaat se jo hai maqsud ghair-faani hai

zamaana husn nazaakat balaa jafaa shokhi
simaT ke aa gae sab aap ki adaaon mein