mere andar kaa shor hai mujh mein — Kashif Husain Ghair

bane hain kaam sab uljhan se mere
yahi atvaar hain bachpan se mere

zindagi mein kasak zaruri thi
ye khalaa pur tiri kami se huaa

haal puchhaa na kare haath milaayaa na kare
main isi dhuup mein khush huun koi saaya na kare

kyaa chaahti hai ham se hamaari ye zindagi
kyaa qarz hai jo ham se adaa ho nahin rahaa

hamaari zindagi par maut bhi hairaan hai 'ghaaer'
na jaane kis ne ye taarikh-e-paidaaish nikaali hai

na ham vahshat mein apne ghar se nikle
na sahraa apni viraani se niklaa