vaqt pujegaa hamein vaqt hamein DhunDegaa — Khaleeq Qureshi

jab ki pahlu se yaar uThtaa hai
dard be-ikhtiyaar uThtaa hai

mujhe rahnaa thaa tiri aankh mein aansu ki tarah
main to naakaam huun ai dost sitaara ban kar

naslein vahshi ho jaati hain yaar hifaazat karne mein
khush hone ki baat nahin hai sahraa ki sultaani par

khud apne gham hi se ki pahle dosti ham ne
aur us ke baa'd gham-e-dostaan ko pahchaanaa

agar vo aaj raat hadd-e-iltifaat toD de
kabhi phir us se pyaar kaa khayaal bhi na aaegaa

mumkin hai ashk ban ke rahun chashm-e-yaar mein
mumkin hai bhuul jaae gham-e-rozgaar mein