miri jaan teri khaatir jaan kaa saudaa — Khalid Hasan Qadiri

kis se puchhein ki ham kidhar jaaein
yaad ab ham ko vo gali hi nahin

bahut hain sajda-gaahein par dar-e-jaanaan nahin miltaa
hazaaron devtaa hain har taraf insaan nahin miltaa

na aae tum na aao tum ki ab aane se kyaa haasil
khud ab to ham se apni shakl pahchaani nahin jaati

ghuTan to dil ki rahi qasr-e-marmarin mein bhi
na raushni se huaa kuchh na kuchh havaa se huaa

tumhaare naam pe dil ab bhi ruk saa jaataa hai
ye baat vo hai ki is se mafar nahin hotaa

ye vaqfa saaaton kaa chand sadiyon ke baraabar hai
vo ab aavaaz dete hain to pahchaani nahin jaati