ye vaqfa saaaton kaa chand sadiyon ke baraabar hai — Khalid Hasan Qadiri

bahut hain sajda-gaahein par dar-e-jaanaan nahin miltaa
hazaaron devtaa hain har taraf insaan nahin miltaa

na aae tum na aao tum ki ab aane se kyaa haasil
khud ab to ham se apni shakl pahchaani nahin jaati

miri jaan teri khaatir jaan kaa saudaa
bahut mahngaa bhi hai dushvaar bhi hai

ghuTan to dil ki rahi qasr-e-marmarin mein bhi
na raushni se huaa kuchh na kuchh havaa se huaa

tumhaare naam pe dil ab bhi ruk saa jaataa hai
ye baat vo hai ki is se mafar nahin hotaa

kis se puchhein ki ham kidhar jaaein
yaad ab ham ko vo gali hi nahin

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

guzraa jahaan se main to kahaa hans ke yaar ne
qissa gayaa fasaad gayaa dard-e-sar gayaa

dil mein ik dard uThaa aankhon mein aansu bhar aae
baiThe baiThe hamein kyaa jaaniye kyaa yaad aayaa

puchhte hain baiTh kar pahlu mein vo
ab to dard-e-dil ko kuchh aaraam hai