aate aate aaegi duniyaa-daari — Khursheed Akbar

ai shahr-e-sitam-zaad tiri umr baDi ho
kuchh aur bataa naql-e-makaani ke alaava

ghaib kaa aisaa parinda hai zamin par insaan
aasmaanon ko jo shah-par pe uThaae hue hai

ham bhi tire beTe hain zaraa dekh hamein bhi
ai khaak-e-vatan tujh se shikaayat nahin karte

baDi bholi hai kharchili zarurat
shahanshaahi kamaai maangti hai

yahaan to rasm hai zindon ko dafn karne ki
kisi bhi qabr se murda kahaan nikaltaa hai

gharibi kaaTnaa aasaan nahin hai
vo saari umr patthar kaaTtaa hai