gharibi kaaTnaa aasaan nahin hai — Khursheed Akbar

aate aate aaegi duniyaa-daari
jaate jaate faaqa-masti jaaegi

ghaib kaa aisaa parinda hai zamin par insaan
aasmaanon ko jo shah-par pe uThaae hue hai

ham bhi tire beTe hain zaraa dekh hamein bhi
ai khaak-e-vatan tujh se shikaayat nahin karte

baDi bholi hai kharchili zarurat
shahanshaahi kamaai maangti hai

yahaan to rasm hai zindon ko dafn karne ki
kisi bhi qabr se murda kahaan nikaltaa hai

ai shahr-e-sitam-zaad tiri umr baDi ho
kuchh aur bataa naql-e-makaani ke alaava

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

baDaa ghaaTe kaa saudaa hai 'sadaa' ye saans lenaa bhi
baDhe hai umr jyun-jyun zindagi kam hoti jaati hai

ghazal us ne chheDi mujhe saaz denaa
zaraa umr-e-rafta ko aavaaz denaa

paighaam zindagi ne diyaa maut kaa mujhe
marne ke intizaar mein jiinaa paDaa mujhe