koi charaag jalaataa nahin saliqe se — Khurshid Talab

havaa to hai hi mukhaalif mujhe Daraataa hai kyaa
havaa se puchh ke koi diye jalaataa hai kyaa

roz divaar mein chun detaa huun main apni anaa
roz vo toD ke divaar nikal aati hai

hamein har vaqt ye ehsaas daaman-gir rahtaa hai
paDe hain Dher saare kaam aur mohlat zaraa si hai

miri mushkil miri mushkil nahin hai
vasila teri aasaani kaa main huun

khudaa ne bakhshaa hai kyaa zarf mom-batti ko
pighalte rahnaa magar saari raat chup rahnaa

havaa se kah do ki kuchh der ko Thahar jaae
khajil hamaari ibaarat havaa se hoti hai