roz divaar mein chun detaa huun main apni anaa — Khurshid Talab

havaa to hai hi mukhaalif mujhe Daraataa hai kyaa
havaa se puchh ke koi diye jalaataa hai kyaa

koi charaag jalaataa nahin saliqe se
magar sabhi ko shikaayat havaa se hoti hai

hamein har vaqt ye ehsaas daaman-gir rahtaa hai
paDe hain Dher saare kaam aur mohlat zaraa si hai

miri mushkil miri mushkil nahin hai
vasila teri aasaani kaa main huun

khudaa ne bakhshaa hai kyaa zarf mom-batti ko
pighalte rahnaa magar saari raat chup rahnaa

havaa se kah do ki kuchh der ko Thahar jaae
khajil hamaari ibaarat havaa se hoti hai

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

umangon par hai ab un ki javaani
khush aae kyuun na itraanaa kisi kaa

nayaa chaar din mein puraanaa huaa
yahi sab huaa to nayaa kyaa huaa

khul ke ro luun to zaraa ji sambhle
muskuraanaa hi masarrat to nahin