afsos jin ke dam se har ik su hain nafratein — Majid Deobandi

jis ko chaahein be-izzat kar sakte hain
aap baDe hain aap ko ye aasaani hai

yaad rakkho ik na ik din saanp baahar aaeinge
aastinon mein unhein kab tak chhupaayaa jaaegaa

in aansuon ki hifaazat bahut zaruri hai
andheri raat mein jugnu bhi kaam aate hain

phir tumhaare paanv chhune khud bulandi aaegi
sab dilon par raaj kar ke taaj-daari siikh lo

meri aankhein kuchh soi si rahti hain
shaayad in kaa khvaab-nagar se rishta hai

main jab bhi tajziya kartaa huun teraa ai duniyaa
is aaine mein tujhe bad-chalan si paataa huun