yaad rakkho ik na ik din saanp baahar aaeinge — Majid Deobandi

jis ko chaahein be-izzat kar sakte hain
aap baDe hain aap ko ye aasaani hai

afsos jin ke dam se har ik su hain nafratein
ham ne taalluqaat unhin se baDhaa liye

in aansuon ki hifaazat bahut zaruri hai
andheri raat mein jugnu bhi kaam aate hain

phir tumhaare paanv chhune khud bulandi aaegi
sab dilon par raaj kar ke taaj-daari siikh lo

meri aankhein kuchh soi si rahti hain
shaayad in kaa khvaab-nagar se rishta hai

main jab bhi tajziya kartaa huun teraa ai duniyaa
is aaine mein tujhe bad-chalan si paataa huun

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

mere khvaabon ke jharokon ko sajaate rahiye
na sahi vasl magar yaad to aate rahiye

koi viraani si viraani hai
dasht ko dekh ke ghar yaad aayaa

yaad aai hai to phir TuuT ke yaad aai hai
koi guzri hui manzil koi bhuli hui dost

un ki yaad mein bahte aansu khushk agar ho jaaeinge
saat samundar apni khaali aaankhon mein bhar laaungaa

yaad rakhnaa bhi ik ibaadat hai
kyuun na ham un kaa haafiza ho jaaein