'maajid' ne bairaag liyaa hai koi aisi baat nahin — Majid

qarib dekh ke us ko ye baat kis se kahun
khayaal dil mein jo aayaa gunaah jaisaa thaa

— Majid

lohe aur patthar ki saari tasvirein miT jaaeingi
kaaghaz ke parde par ham ne sab ke ruup jamaae hain

— Majid

mujhi se puchh rahaa thaa miraa pataa koi
buton ke shahr mein maujud thaa khudaa koi

— Majid

biis baras se ik taare par man ki jot jagaataa huun
divaali ki raat ko tu bhi koi diyaa jalaayaa kar

— Majid

sukhe patte sab ikaTThe ho gae hain
raaste mein ek divaar aa gai hai

— Majid

honT ki surkhi jhaank uThti hai shishe ke paimaanon se
miTTi ke bartan mein paani pi kar pyaas bujhaayaa kar

— Majid

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar