lohe aur patthar ki saari tasvirein miT jaaeingi — Majid

baat karnaa hai karo saamne itraao nahin
jo nahin jaante us baat ko samjhaao nahin

qarib dekh ke us ko ye baat kis se kahun
khayaal dil mein jo aayaa gunaah jaisaa thaa

mujhi se puchh rahaa thaa miraa pataa koi
buton ke shahr mein maujud thaa khudaa koi

biis baras se ik taare par man ki jot jagaataa huun
divaali ki raat ko tu bhi koi diyaa jalaayaa kar

sukhe patte sab ikaTThe ho gae hain
raaste mein ek divaar aa gai hai

honT ki surkhi jhaank uThti hai shishe ke paimaanon se
miTTi ke bartan mein paani pi kar pyaas bujhaayaa kar

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe